Cardello(-de-paret)
Sonchus tenerrimus
Asteraceae
Àutri noum : Cardello, Lachenco, Lacheiroun.
Nom en français : Laiteron délicat.
Descripcioun :Aquelo cardello, coume tóuti, fai de la un cop coupado (lachenco). S'atrobo sus li paret de roco e proche de la mar. Se destrìo de si cousino Sonchus asper e Sonchus oleraceus qu'a li fueio proun retaiado en fuioun óupousa (vèire la fotò). Lou pèd de la flour coumpausado èi cubert de fèutre blanc. Es uno planto qu'es en trin de remounta long dóu Rose.
Usanço :Pòu rintra dins la coumpousicioun de l'ensalado champanello, pamens, pèr nautre, èi pas ço que i'a de meiour. S'èi retrouba dins la planto de lactono sesquiterpèno que pourrien ajuda à lucha countro lou plasmodium, aquéu que douno lou paludisme.
Port : Erbo
Taio : 40 à 150 cm
Fueio : alterno
Tipe bioulougico : Teroufite
Cicle bioulougico : Planto de l'an
Gènre : Sonchus
Famiho : Asteraceae
Tribu : Cichorieae
Coulour de la flour :
Jauno
Petalo : >6
Ø (o loungour) flour : Pancaro entresigna
Flourido : Printèms
- Estiéu - Autouno - Ivèr
Sòu : Ca
Autour basso e auto :
Pancaro entresigna
Aparado : Noun
Remarco : Planto de coustiero
Liò : Champ
- Paret
- Mar
Estànci : Termoumediterran à Mesoumediterran
Couroulougi :
Pancaro entresigna
Ref. sc. : Sonchus tenerrimus L., 1753
Pticotis
Ptychotis saxifraga
Apiaceae Umbelliferae
Noms en français : Ptychotis saxifrage, Ptychotis à feuilles de saxifrage.
Descripcioun :Erbo pulèu grando e ramificado. Se recounèis à si fueio que soun de dous biais. Aquésti de la baso soun coumpausado e sèmblo à li de la pimpinello, alor qu'aquéli d'en aut, soun fino e estrecho. Li petalo an dous meno d'aurihoun.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Grando erbo
Taio : Pancaro entresigna
Fueio : coumpausado
Tipe bioulougico : Emicriptoufite
Cicle bioulougico : Renadivo mounoucarpico
Gènre : Ptychotis
Famiho : Apiaceae
Famiho classico : Umbelliferae
Ordre : Apiales
Coulour de la flour :
Blanco
Petalo : 5
Ø (o loungour) flour : Pancaro entresigna
Flourido :
Estiéu
Sòu : Ca
Autour basso e auto :
Pancaro entresigna
Aparado : Noun
Liò : Colo
- Roucaio
- Esboudèu
- Ribiero
Estànci : Mesoumediterran à Mountagnard
Couroulougi :
Pancaro entresigna
Ref. sc. : Ptychotis saxifraga (L.) Loret & Barrandon, 1876
(= Ptychotis heterophylla W.D.J.Koch, 1824 )